საქართველოს შინაგან საქმეთა სამინისტროს მონაცემებით 2007 წელს წარმოებაში მომხდარი უბედური შემთხვევების შედეგად დაიღუპა 54 და დაშავდა 26 დასაქმებული. მომხდარი უბედური შემთხვევებიდან - 32 - ე.ი. (25%) სამშენებლო სამუშაოებზე მოდის. 32 შემთხვევიდან 21 მშენებლობაზე დასაქმებულის სიკვდილით დამთავრდა. სასიკვდილო შემთხვევებიდან ნახევარზე მეტი (11) მშენებარე ნაგებობებიდან გადმოვარდნის შედეგად მოხდა.

სტატისტიკიდან დადგენილია, რომ მკვეთრად იმატა შრომის დაცვის წესების დარღვევის შედეგად მომხდარი საქართველოს სისხლის სამართლის კოდექსის 170-ე მუხლით გათვალისწინებული დანაშაულის რაოდენობამ:

• 
  2005-ში მოხდა 16;
• 
  2006-ში – 35;
• 
  2007-ში – 42;

მთლიანად 2008 წლის პირველ ნახევარში – 48 დანაშაული. დანაშაულის ზრდის წლიური მაჩვენებელი 100%-ს აღწევს.

არ მოქმედებს “წარმოებაში მომხდარი უბედური შემთხვევების გამოკვლევეთა და აღრიცხვს დებულება” და დამსაქმებელს შრომის კოდექსი არ ავალდებულებს მიიღოს ზომები უბედური შემთხვევების გამოკვლევისათვის – ამის გამო ბევრი შემთხვევა გამოუკვლევი რჩება, ან გამოკვლევები ისე ტარდება, როგორც შპს “ჯორჯიან მანგანეზისა” და სადისტრიბუციო ენერგოკომპანიის წარმოდენილ შემთხვევებშია.

ასეთ მდგომარეობას ისიც განაპირობებს, რომ უბედური შემთხვევების გამოკვლევის პროცესში ჩართული არ არიან პროფესიული კავშირების ან საზოგადოებრივი ორგანიზაციების წარმომადგენლები, რაც უფრო გამჭვირვალეს გახდიდა გამოკვლევის პროცესს და დაშავებულთა უფლებების დაცვას მეტად უზრუნველყოფდა, ვიდრე ეს დღევანდელ დღესაა შესაძლებელი.

გაერთიანების შრომის ტექნიკური ინსპექტორების მიერ მ/წლის ოქტომბერში ჩატარებული ფოტოგადაღებების შედეგად ირკვევა, რომ სამშენებლო და სხვა სამუშაოებზე კვლავ გრძელდება დარღვევები, რომლებმაც შეიძლება ანალოგიური შემთხვევები კვლავ გამოიწვიოს.

ფირმა ჯეოსელის თანამშრომლები აწარმოებენ ანტენის გამაძლიერებლის სამონტაჟო სამუშაოებს თავისუფლების მოედანზე. არ აცვიათ სპეცტანსაცმელი და არ ახურავთ დამცავი ჩაფხუტი.







ქალაქის მერიის გვერდით,
ლეონიძის ქუჩის დასაწყისში მშენებლობაზე "წყალმშენი"-ს ექსკავატორის მემანქანეს
არ აცვია სპეცტანსაცმელი, არ ახურავს დამცავი ჩაფხუტი.

ბესიკის ქუჩაზე მშენებარე კომერციული ცენტრის
მუშაკები იყენებენ არასტანდარტულ სადგარს.

მთაწმინდაზე, ყიფიანის ქ-ზე საცხოვრებელი სახლის მშენებლობა, სადაც არანაირი დამცავი შემოღობვა არ არის, მუშაკებს არ აცვიათ სპეცტანსაცმელი, არ ახურავთ ჩაფხუტები.
მთელ ობიექტზე არანაირი დამცავი შემოღობვა არ არის.

იგივე ობიექტი, სადაც იყენებენ არასტანდარტულ კიბეს, რომლის დაშლის ალბათობაც ძალიან მაღალია და შესაბამისად ძალზე მაღალია მუშაკის დაზიანების ალბათობაც.

სურათზე უკან მოსჩანს თვითნაკეთი ამწე მექანიზმი და შენობას არა აქვს შემორაგვა.

მშენებლობა დადიანის ქუჩაზე, რკინიგზის სადგურთან ახლოს, მოჩანს ხომ არ არის დამცავი შემოღობვა, თვითნაკეთი ამწევი ჯალამბარი, რომლის თოკიც გამწყდარია და ნებისმიერ დროს შესაძლებელია ტრავმის მიღება. მუშაკს არ აცვია სპეც. ტანსაცმელი, არ ახურავს ჩაფხუტი.

არასტანდარტული ხის კიბე, რომლის საყრდენი არ დგას და ჩამოშლა ყოველ წუთასაა მოსალოდნელი. იგივე მშენებლობაზე მუშა სპეცტანსაცმლისა და ჩაფხუტის გარეშე.

იგივე მშენებლობაზე კიბე და მუშები.